 |
||
 |
|
|
|
NAATH SHAREEF & MANQABATS WRITTEN BY TAAJUSH SHARI'AH His love for the Holy Prophet (Sallal Laahu Alayhi Wasallam) can be seen flowing in the beautiful and eloquent manner he shows in writing Naats in praise of the Beloved Rasool (Sallal Laahu Alayhi Wasallam). These Naats which he has written in the love of the Prophet (Sallal Laahu Alayhi Wasallam) are proof enough of the deep love his possesses for the Master of the Green Dome Muhammadur Rasoolullah (Sallal Laahu Alayhi Wasallam). These Naats have been compiled to form the beautiful compilation called “Safeena-e-Bakhshish”. We present to a few transliterations. |
QASEEDA FIL-HAMDI WAMADHIN-NABI by Taajush SHari'ah, Shaykh Mufti Akhtar Raza QAdri Azhari
Allah Allah Allahu, Maali Rabbun Illahu
Man Kunta Ilaahi Mawlaahu, Kullun Naasi Tawallaahu
DAAGH-E FURQAT-E-TAYBA by Taajush SHari'ah, Shaykh Mufti Akhtar Raza QAdri Azhari
DAAGH-E-FURQATE TAYBAH QALB MUZMAHIL JAATA KAASH GUMBADE KHAZRAA DEKHNE KO MIL JAATA
MERA DAM NIKAL JAATA UNKE AASTANE PAR UNKE AASTAANE KI KHAAK MAI MEIN MIL JAATA
MERE DIL SE DHUL JAATA DAAGHE FURQATE TAYBAH TAYBAH MAI FANAA HO KAR TAYBAH MAI HI MIL JAATA
MAUT LE KE AA JAATI ZINDAGI MADEENE MAI MAUT SE GALE MIL KAR ZINDAGI MAI MIL JAATA
KHULD ZAARE TAYBAH KA IS TARHA SAFAR HOTA PEECHHE PEECHHE SAR JAATA AAGE AAGE DIL JAATA
DIL PE JAB KIRAN PARTI UNKE SABZ GUMBAD KI USKI SABZ RANGAT SE BAAGH BUN KE KHIL JAATA
FURQATE MADEENAH NE WOH DI`E MUJHE SADME KOH PAR AGAR PARTE KOH BHI TO HIL JAATA
DIL PE WOH QADAM RAKHTE NAQSHE PAA YEH DIL BANTA YAA TO KHAAK-E-PAA BAN KAR PAA SE MUTTASIL JAATA
UN KE DAR PE AKHTAR KI HASRATEIN HUEE POORI SAAILE DARE AQDAS KAISE MUNFA`IL JAATA FURQATE TAYBA KI WAH?SHAT DIL SE JAAYE KHAIR SE by Taajush SHari'ah, Shaykh Mufti Akhtar Raza QAdri Azhari
Furqate Tayba ki wahshat dil se jaaye khair se Me Madina ko chaloo wo din phir aaye khair se
Dil mein hasrat koyee baaqi rah na jaaye khair se Raahe Tayba mein mujhe yoon maut aaye kahir se
Mere din phir jaaye ya Rabb shab wo aaye khair se Dil me jab Maahe Madina Ghar banaaye khair se
Raat meree din bane Unki baqaaye khair se Qabr me jab Unki tal?at jagmaghaaye khair se
He Ghanee ke dar pe hum bistar jamaaye khair se Khair ke talib kahaan jaa?enghe jaaye khair se
Wo Khiraame naaz farmaaye jo paaye khair se Kya bayaan woh zindagee?ho dil jo paaye khair se
Mar ke bi dilse naajaaye ulfaht baage Nabee Khuld me bi bhaag janaa yaad aaye khair se
Ranjo gham hon benishaan aaye bahaar be khizaa Mere dil me bhaage janaa ki huwaaye khair se
Istaraf bi do qadam jalwe khiraam naaz ke Reh?ghuzar me hum bi he aankhe bichae khair se
Ho mujhe seere ghulistaane Madina yoon naseeb Me bahaaronme chaloo khud ko gumaaye khair se
Zindabaad ae arazoo-e-baaghe Tayba zindabaad Tere Dhum se he zamaane ke sitaaye khair se
Najdiyo kee cheera dusthee Ya Ilaahee ta?bake Ye balaaye najd ye Tayba se jaaye khair se
Jhaanhklo aankho me Unkee hasrate Tayba liye Zaa?ere Tayba Ziyaa?e Tayba laaye khair se
He ye Tayba ka payaame taalibe aaishe dawaam Jan?nate Tayba me aahistee mitaaye khair se
Sanghe dar se aa mile Tayba me abtojaa mile Aagaye Dar pe Tere, Tere Dar pe bulaaye khair se
Ghosh bar aawaaz hu Qudsee bi iske gheet par Baaghe Tayba me jab Akhtar ghunghunaaye khair se MADINA AANE WALA HAI by Taajush SHari'ah, Shaykh Mufti Akhtar Raza QAdri Azhari
SAMBHAL JAA AI DILE MUZTAR MADEENAH AANE WAALA HAI LUTAA AI CHASHME TAR GOHAR MADEENAH AANE WAALA HAI
QADAM BAN JAAEY MERA SAR MADEENAH AANE WAALA HAI BICHHOON REH MAI NAZAR BAN KAR MADEENAH AANE WALA HAI
JO DEKHEIN UN KA NAQSHE PAA KHUDA SE WOH NAZAR MAANGOON CAARAAGHE DIL CHALOON LEKAR MADEENAH AANE WAALA HAI
KARAM UNKA CHALAA YOON DIL SE KEHTA RAAHE TAYBAH MEIN DILE MUZTAR TASALLI KAR MADEENAH AANE WAALA HAI
NICHHAAWAR HAI MADEENE KI YEH MERA DIL MERI AANKHEN NICHHAAWAR HOON MADEENAH PAR MADEENAH AANE WAALA HAIN
ILAAHI MAIN TALABGAARE FANAA HOON KHAAKE TAYBAH MAIN ILAAHI KAR NISAARE DAR MADEENAH AANE WAALA HAI
MADEENE KO CHALA MEI BENIYAAZE REHBARE MANZIL RAHE TAYBAH HAI KHUD REHBAR MADEENAH AANE WAALA HAI
MUJHE KHEENCHE LIYE JAATAA HAI SHOUQE KOONCHA'E JAANA KHINCHAA JAATA HOON MEIN YAKSAR MADEENAH AANE WAALA HAI
WOH CHAMKA GUMBADE KHAZRAA WOH SHEHRE PUR ZIYAA AAYA DHALE AB NOOR MAIN PEKAR MADEENAH AANE WAALA HAI
JAHAAN SE BEKHABAR HO KAR CHALO KHULDE MADEENAH MAIN CHALO AB HOSH KI PEEKAR MADEENAH AANE WAALA HAIN
MADEENE MEIN KHULE BAABE HAYAATE NAU BATARZE NAU BADAL DAALO KOHAN DAFTAR MADEENAH AANE WAALA HAI
ZARA AI MARKABE UMRE RAWAAN CHAL BARQ KI SOORAT DIKHA PARWAAZ KE JOWHAR MADEENAH AANE WAALA HAI
TALABGAARE MADEENAH TAK MADEENAH KHUD HI AAJAAEY TU DUNIYA SE KINAARA KAR MADEENAH AANE WAALA HAI
MADEENAH AAGAYA AB DER KYA HAI SIRF ITNI SI TU KHAALI KAR YEH DIL KA GHAR MADEENAH AANE WAALA HAI
FALAK SHAAYAD ZAMEEN PAR REHGAYA KHAAKE GUZAR BANKAR BICHHE HAI RAAH MEIN AKHTAR MADEENAH AANE WAALA HAI
GHUBAARE RAAHE ANWAR KIS QADAR PURNOOR HAI AKHTAR TANI HAI NOOR KI CHAADAR MADEENAH AANE WAALA HAI.
ZEENATO SAJDA-O BAZME QAZAA MILTA NAHI by Taajush SHari'ah, Shaykh Mufti Akhtar Raza QAdri Azhari
Zeenato sajda-o bazme qazaa milta nahein Lale yakta-e-Shahe Ahmed Raza milta nahein
Wo jo apne dor ka sadeeq tha milta nahein Mahrame raaze Muhammad Mustafa milta nahein
Ab chiraaghe dil jalaakar ho?sake to doon?diye Partawe Ghaus-o Raza-o Mustafa miltaa nahein
Aalime sozdaroon kis se kahoon kis se kahoon Chaara saaze darde dil darde aashinaa milta nahein
Aalimo ka Mu?tabar wo peshawaa milta nahein Jo Mujas?sam I?lm tha wo kya huwa milta nahein
Zaahido ka wo mus?sallam Muq?tadaa milta nahein Jispe Naazaa Zaahid tha wo Paarsaa milta nahein
Faro Afraade Zamaan wa? Shayhk Ash Shayake jahaan Kaamilaane dehr kaawo muntaha milta nahein
Istiqaamat kaawo koha muh?kamo baala tere Jiske jaane se zamaana hilgayaa milta nahein
Chaariyaaro ki adaa-e jisme te Jalwanuma Chaariyaro ka wo roshan Aaina milta nahein
Ekh Shaake ghul nahi saraa chaman? andogheen Mustafa ka andaleebe khushnawa milta nahein
Mufti-e-Azam ka zar?ra kya banaa Akthar Raza Mehfil-e Anjum me Akhtar doosraa milta nahein YA GHOUS AL-MADAD by Taajush SHari'ah, Shaykh Mufti Akhtar Raza QAdri Azhari
Peer-o ke Aap Peer heh, Ya Ghous al-Madad Ahle Safa ke meer heh, Ya Ghous al-Madad
Ranjo alam Kaseer heh, Ya Ghous al-Madad Hum aajozo aseer heh, Ya Ghous al-Madad
Hum kayse jee rahe heh, ye tum se kya kahe Hum heh alam ke teer, Ya Ghous al-Madad
Tere nazar se pherdo, sare alam ke teer Kya ye alam ke teer heh, Ya Ghous al-Madad
Tere hi hath laaj hai, Ya Peer-e Dastageer Hum tere Dastageer heh, Ya Ghous al-Madad
Kis dil se ho bayanee, bedade zaalima Zaleem bare shareer heh, Ya Ghous al-Madad
Ahle Safa ne paaie, tumse rahe safa Sab tumse mustaneer heh, Ya Ghous al-Madad
Sadqa Rasool-e Paak ka, jholi mein daaldo Hum Qadri Fakeer heh, Ya Ghous al-Madad
Dil ki sunaa-e Akhtar, dil ki zaban mein Kehte yeh behtaneer heh, Ya Ghous al-Madad CHALDIYE TUM AANK ME ASHKO KA DARYAA CHOR KAR by Taajush SHari'ah, Shaykh Mufti Akhtar Raza QAdri Azhari
CHAL DIYE TUM AANKH MAI ASHKON KA DARYAA CHHOR KAR RANJE FURQAT KA HAR IK SEENE MAI SHOLAH CHHOR KAR
LAZZATE MEY LE GAYAA WOH JAAMO MEENA CHHOR KAR MERA SAAQI CHAL DIYA KHUD MEY KO TISHNA CHHOR KAR
HAR JIGAR MAI DARD APNA MEETHA MEETHA CHHOR KAR CHAL DIYE WOH DIL MAI APNA NAQSHE WAALA CHHOR KAR
AALAME BAALAA MAI HAR SOO MARHABA KI GOONJ THI CHALDIYE JAB TUM ZAMAANE BHAR KO SOONA CHHOR KAR
MAUT AALIM SE BANDHI HAI MAUTE AALAM BE GUMAA ROOHE AALAM CHALDIYA AALAM KO MURDAH CHHOR KAR
MUTTAQEE BAN KAR DIKHAA`E IS ZAMAANE MAI KOI EK MERE MUFTI-E-AAZAM KA TAQWA CHHOR KAR
KHWAAB MAI AAKAR DIKHAAO HUM KO BHI AI JAAN KABHI KAUN SI DUNYA BASAA`EE TUM NE DUNYA CHHOR KAR
EK TUM DUNYA ME REH KAR TAARIKE DUNYA RAHE REH KE DUNYA MAI DIKHAA`E KOI DUNYA CHHOR KAR
US KA AI SHAAHE ZAMAN SAARAA ZAMAANAH HO GAYA JO TUMHARA HO GAYAA SAARAA ZAMAANAH CHHOR KAR
RAHNUMAA`E RAAHE JANNAT HAI TERA NAQSHE QADAM RAAHE JANNAT TEH NA HOGEE TERA RASTAH CHHOR KAR
HO SAKE TO DEKH AKHTAR BAAGHE JANNAT ME USSE WOH GAYAA TAARON SE AAGE AASHIYAANAH CHHOR KAR MUNAWWAR MERI AANKHON KO MERE SHAMSUD DUHAA KAR DEIN by Taajush SHari'ah, Shaykh Mufti Akhtar Raza QAdri Azhari
JAHAAN BAANI ATAA KARDEIN BHARI JANNAT HIBAH KAR DEIN NABI MUKHTAAR-E-KUL HEIN JIS KO JO CHAAHE ATAA KAR DEIN
JAHAAN MEIN UNKI CHALTI HAI WOH DUM MAI KYA SE KYA KAR DEIN ZAMEEN KO AASMAAN KAR DEIN SURAIYYAA KO SARAA KAR DEIN
FIZA MEIN URNE WAALE YOON NA ITRAA`E NIDA KAR DEIN WOH JAB CHAAHE JIS-SE CHAAHE US-SE FARMAA RAWAA KAR DEIN
MERI MUSHKIL KO YOON AASAAN MERE MUSHKIL KUSHAA KAR DEIN HAR IK MAUJE BALAA KO MERE MAULA NAA KHUDA KAR DEIN
ATAA HO BEKHUDI MUJH KO KHUDI MERI HAWA KAR DEIN MUJHE YOON APNI ULFAT MEIN MERE MAULA FANAA KAR DEIN
JAHAAN MEIN AAM PAIGHAAM-E-SHAHE AHMAD RAZA KAR DEIN PALAT KAR PEECHHE DEKHEN PHIR SE TAJDEED-E-WAFAA KAR DEIN
NABI SE JO HO BEYGAANA USSE DIL SE JUDA KAR DEIN PIDAR MAADAR BIRAADAR MAAL-O-JAAN UN PAR FIDAA KAR DEIN
MUNAWWAR MERI AANKHON KO MERE SHAMSUD DUHAA KAR DEIN GHAMON KI DHOOP MEIN WO SAAYA-E-ZULFE DOTAA KAR DEIN
KISI KO WOH HANSAATE HEIN KISI KO WOH RULAATE HEIN WOH YOON HI AAZMAATE HEIN WOH AB TO FAISLAH KAR DEIN
GILE TAYBAH MAI MAL JAAOON GULON MAI MIL KE KHIL JAAOON HAYAATE JAAWIDAANI SE MUJHE YOON AASHNAA KAR DEIN
UNHEIN MANZOOR HAI JAB TAK YEH DAURE AAZMAAISH HAI NAH CHAAHEIN TO ABHI WOH KHATM DAUR-E-IBTILAA KAR DEIN
SA`GE AAWAARA-E-SEHRAA SE UKTAA SI GA`EE DUNIYA BACHAAO AB ZAMAANE KA SAGAAN-E-MUSTAFA KAR DEIN
MUJHE KYA FIQR HO AKHTAR MERE YAAWAR HAI WOH YAAWAAR BALAAON KO JO MERI KHUD GIRAFTAARE BALAA KAR DEIN SHAHENSHAAHE DO AALAM by Taajush SHari'ah, Shaykh Mufti Akhtar Raza QAdri Azhari
SHAHENSHAAHE DO AALAM KA KARAM HAI MERE DIL KO MAYASSAR UNKA GHAM HAI
YAHEEN REHTE HAIN WOH JAANE BAHAARAAN YEH DUNYA DIL KI RASHKE SAD IRAM HAI
BHALA DAAWE HAIN UNSE HUM SARI KE SARE ARSHE BAREEN JIN KA QADAM HAI
YEH DARBAARE NABI HAI JIS KE AAGE NA JAANE ARSHE AAZAM KAB SE KHAM HAI
TARAS KHAAO MERI TISHNAH LABI PAR MERI PYAAS AUR YEH IK JAAM KAM HAI
DILE BETAAB KO BEHLAAOON KAISE BARHE GI AUR BETAABI SITAM HAI
YAHAAN QAABU MEIN RAKHNA DIL KO AKHTAR YEH DARBAARE SHAHENSHAAH-E-UMAM HAI TUM CHALO HUM CHALEIN by Taajush SHari'ah, Shaykh Mufti Akhtar Raza QAdri Azhari
TUM CHALO HUM CHALEIN SAB MADEENE CHALEIN JAANIBE TAIBAH SAB KE SAFEENE CHALEIN
MAIKASHON AAO AAO MADEENE CHALEIN BAADA-E-KHULD KE JAAM PEENE CHALEIN
JEE GA`E WOH MADEENE MEIN JO MAR GA`E AAO HUM BHI WAHAAN MAR KE JEENE CHALEIN
ZINDAGI AB SARE ZINDAGI AAGAEE AAKHRI WAQT HAI AB MADEENE CHALEIN
UNKI SHAANE KARAM KI KASHISH DAYKHIYE KAASAH LAY KAR KAHA KHUSRAWEENE CHALEIN
RAAHE TAIBAH MEIN JAB NAATAWAAN REH GA`E DIL KO KHEENCHA KAHA BE KALEE NE CHALEIN
KHAAKE TAIBAH MEIN APNI JAGAH HO GAEE KHOOB MUZDA SUNAAYA KHUSHEE NE CHALEIN
AGLE PICHHLE SABHI KHULD MEIN CHAL DIYE ROZE MEHSHAR KAHA JAB NABEE NE CHALEIN
AKHTAR-E-KHASTAH BHI KHULD MAI CHAL DIYA JAB SADAA DI USE MURSHIDI NE CHALEIN TERE DAAMANE KARAM MEIN by Taajush SHari'ah, Shaykh Mufti Akhtar Raza QAdri Azhari
TERE DAAMANE KARAM MEIN JISE NEEND AAGAEE HAI JO FANAA NA HOGI AISEE USE ZINDAGI MILI HAI
MUJHE KYA PARI KISI SE KARUN ARZ MUDDA`AA MEIN MERI LAU TO BAS UNHI KE DARE JOOD SE LAGI HAI
WOH JAHAAN BHAR KE DAATA MUJHE PHEIR DENGE KHAALI MERI TAUBAH AY KHUDAA YEH MERE NAFS KI BADI HAI
JO PA`E SAWAAL AA`E MUJHE DEKH KAR YEH BOLE ISE CHAIN SE SULAAO KE YEH BANDA-E-NABI HAI
MAIN MARUN TO MERE MAULA YEH MALAAIKA SE KEH DEIN KOEE IS KO MAT JAGAANA ABHI AANKH LAG GAEE HAI
MAIN GUNAAHGAAR HOON AUR BARE MARTABON KI KHWAAHISH TU MAGAR KAREEM HAI JO TERI BANDAH PARWARI HAI
TERI YAAD THAPKI DEKAR MUJHE AB SHAHAA SULAA DE MUJHE JAAGTE HU`E YOON BARI DER HO GAEE HAI
AY NASEEME KOO-E-JAANA ZARAA SOO-E-BAD NASEEBAAN CHALI AA KHULI HAI TUJH PE JO HAMAARI BEKASI HAI
TERA DIL SHIKASTAH AKHTAR ISI INTIZAAR MEIN HAI KE ABHI NAWEEDE WASLAT TERE DAR SE AA RAHI HAI AAJ KI RAAT by Taajush SHari'ah, Shaykh Mufti Akhtar Raza QAdri Azhari
AAJ KI RAAT ZIYAAON KI HAI BAARAAT KI RAAT FAZLE NOU SHAAHE DO AALAM KE BAYAANAAT KI RAAT
SHABE MERAAJ WOH AWHAA KE ISHAARAAT KI RAAT KOUN SAMJHAA`E WOH KAISI THI MUNAAJAAT KI RAAT
CHHAAEE REHTI HAI KHAYAALON MEIN TUMHAARI ZULFEIN KOI MAUSAM HO YAHAAN REHTI HAI BARSAAT KI RAAT
DIL KA HAR DAAG CHAMAKTA HAI QAMAR KI SOORAT KITNI ROUSHAN HAI RUKHE SHEH KE KHAYAALAAT KI RAAT
RUKHE TAABAANE NABI ZULFE MUAMBAR PE FIDA ROZE TAABINDA YEH MASTI BHARI BARSAAT KI RAAT
RIND PEETE HAI TERI ZULF KE SAA`E MAI SADAA KOI MAUSAM HO YAHAAN REHTI HAI BARSAAT KI RAAT
BULBULE BAAGHE MADEENAH KO SUNAA DAY AKHTAR AAJ KI SHAB HAI FARISHTON SAY MUBAAHAAT KI RAAT NA'ARA-E-RISAALAT YAA RASOOLALLAH (SALLAL LAAHU ALAIHE WASALLAM) by Taajush SHari'ah, Shaykh Mufti Akhtar Raza QAdri Azhari
SADRE BAZME KASRAT YAA RASOOLALLAH RAAZDARE WAHDAT YAA RASOOLALLAH HAR JAHAAN KI REHMAT YAA RASOOLALLAH BEHTAREENE KHALQAT YAA RASOOLALLAH NA'ARA-E-RISAALAT YAA RASOOLALLAH
SAAHIBE HIDAAYAT YAA RASOOLALLAH CHHAAYA ABRE ZULMAT YAA RASOOLALLAH NAATAWAA HAI UMMAT YAA RASOOLALLAH KEEJIYE HIMAAYAT YAA RASOOLALLAH NA'ARA-E-RISAALAT YAA RASOOLALLAH
MAALIKE SHAFAA'AT YAA RASOOLALLAH BEKASON KI TAAQAT YAA RASOOLALLAH MEZBAANE UMMAT YAA RASOOLALLAH EK JAAME SHARBAT YAA RASOOLALLAH NA'ARA-E-RISAALAT YAA RASOOLALLAH
DEED KE HON TAALIB JAB KHUDA SAY MOOSA UNKO LANTARAANI KEHDE RAB TUMHAARA PAR TUMHAARE RAB SAY TUM KO MERE MOULA HAI PAYAAME WASLAT YAA RASOOLALLAH NA'ARA-E-RISAALAT YAA RASOOLALLAH
KARNA THAA KHUDA KO HUM PE AASHIKAARA AAKHRI NABI HAI USKO SAB SAY PYAARA KOEE BHI NABI HO PICHHLI UMMATON KA TUM KO SAB PE SABQAT YAA RASOOLALLAH NA'ARA-E-RISAALAT YAA RASOOLALLAH
TUM KO JO BATAAEY APNE JAISA INSAAN KOR CHASHM HAI WOH DO JAHAAN KE SULTAAN DEV KA HAI BANDAH WOH ADOOWWE REHMAAN JISKO TUM SAY NAFRAT YA ARASOOLALLAH NA'ARA-E-RISAALAT YAA RASOOLALLAH
DAHER MEIN HAI KYA SHEH TUM SAY JO NIHAAN HAI TUM PAR HAALE AKHTAR BILYAQEEN AYAAN HAI BUS MERI KHAMOSHI HI MERI ZUBAAN HAI KYA KAROON SHIKAAYAT YAA RASOOLALLAH NA'ARA-E-RISAALAT YAA RASOOLALLAH MAST MA`E ALAST HAI by Taajush SHari'ah, Shaykh Mufti Akhtar Raza QAdri Azhari
MAST MA`E ALAST HAI WOH BAADSHAAHE WAQT HAI BANDA-E-DAR JO HAI TERA WOH BE NIYAAZ BAKHT HAI SALLE ALA NABIYYENA SALLE ALAA MUHAMMADIN
UNKI GADAA`EE KE TUFAIL HUM KO MILI SIKANDARI RANG YEH LAA`EE BANDAGI OUJ PE APNA BAKHT HAI SALLE ALA NABIYEINA SALLE ALAA MUHAMMADIN
GARDISHE DAUR YAA NABI WIRAAN DIL KO KAR GA`EE TAAB NA MUJH MEIN AB RAHI DIL MERA LAKHT LAKHT HAI SALLE ALA NABIYYENA SALLE ALAA MUHAMMADIN
GHUNCHA-E-DIL KHILAAIYYE JALWA-E-RUKH DIKHAAIYYE JAAME NAZAR PILAAIYYE TISHNAGEE MUJH KO SAKHT HAI SALLE ALA NABIYYENA SALLE ALAA MUHAMMADIN
AKHTAR-E-KHASTA TAIBAH KO SAB CHALE TUM BHI AB CHALO JAZB SE DIL KE KAAM LO UTHO KE WAQT-E-RAFT HAI SALLE ALA NABIYYENA SALLE ALA MUHAMMADIN PEE KE JO MAST HO GAYA by Taajush SHari'ah, Shaykh Mufti Akhtar Raza QAdri Azhari
PEE KE JO MAST HO GAYA BAADA-E-ISHQE MUSTAFA US KI KHUDAAI HO GAEE AUR WOH KHUDA KA HO GAYA SALLE ALAA NABIYYENA SALLE ALAA MUHAMMADIN SALLE ALAA SHAFIENA SALLE ALAA MUHAMMADIN
KEH DIYA QAASIMUN ANAA DONO JAHAAN KE SHAAH NE YAANI DARE HUZOOR PE BATT TEE HEIN NEMATE KHUDA SALLE ALAA NABIYYENA SALLE ALAA MUHAMMADIN SALLE ALAA SHAFIENA SALLE ALAA MUHAMMADIN
ARSA-E-HASHR MEIN KHULI UNKI WHO ZULFEIN AMBAREEN MEENAH WOH JHOOM KAR GIRA CHHAA`EE WOH DEKHI`E GHATAA SALLE ALAA NABIYYENA SALLE ALAA MUHAMMADIN SALLE ALAA SHAFIENA SALLE ALAA MUHAMMADIN
GARDISHE CHASME NAAZ MAI SADQE TERE YEH KEH TO DE LE CHALO ISKO KHULD MEIN YEH TO HAMARA HO GAYA SALLE ALAA NABIYYENA SALLE ALAA MUHAMMADIN SALLE ALAA SHAFIENA SALLE ALAA MUHAMMADIN DARE AHMAD by Taajush SHari'ah, Shaykh Mufti Akhtar Raza QAdri Azhari
DARE AHMAD PE AB MERI JABEEN HAI MUJHE KUCHH FIKRE DO AALAM NAHEEN HAI
MUJHE KAL APNI BAKHSHISH KAA YAQEEN HAI KE ULFAT UNKI DIL MEIN JAA GUZEEN HAI
BAHAAREIN YOON TO JANNAT MEIN HAIN LAAKHON BAHAAREIN DASHTE TAIBAH PAR KAHEEN HAI
MAIN WASFE MAAHE TAIBAH KAR RAHA HOON BALA SE GAR KOEE CHEEN BAR JABEEN HAI
ABAS JAANA HAI TO GHAIRON KI JAANIB KE BAABE REHMATE REHMAAN YAHEEN HAI
GUNAAHGAARON NA GHABRAAO KE APNI SHAFAA`AT KO SHAFI-UL-MUZNABEEN HAI
FARAIBE NAFS MEIN HAMDAM NA AANA BACHE REHNA YEH MAARE AASTEEN HAI
DILE BETAAB SE AKHTAR YEH KEHDO SAMBHAL JAA`E MADEENAH AB QAREEN HAI APNE DAR PE JO BULAAO by Taajush SHari'ah, Shaykh Mufti Akhtar Raza QAdri Azhari
APNE DAR PE JO BULAAO TO BAHUT ACCHHA HO MERI BIGRI JO BANAAO TO BAHUT ACCHHA HO
QAIDE SHAITAAN SE CHHURAAO TO BAHUT ACCHHA HO MUJH KO APNA JO BANAAO TO BAHUT ACCHHA HO
GARDISHE DAUR NE PAAMAAL KIYA MUJH KO HUZOOR APNE QADMON MEIN SULAAO TO BAHUT ACCHHA HO
YOON TO KEHLAATA HOON BANDAH MAIN TUMHAARA LEKIN APNA KEH KE JO BULAAO TO BAHUT ACCHHA HO
GHAME PAIHAM SE YEH BASTI MERI WEERAAN HUEE DIL MEIN AB KHUD KO BASAAO TO BAHUT ACCHHA HO
KAIF IS BAADA-E-GULNAAR SE MILTA HI NAHEEN APNI AANKHON SE PILAAO TO BAHUT ACCHHA HO
TUM TO MURDON KO JILAA DETE HO MERE AAQA MERE DIL KO BHI JILAAO TO BAHUT ACCHHA HO
JISNE SHARMINDAH KIYA MAHER-O-MAAHO ANJUM KO IK JHALAK PHIR WOH DIKHAAO TO BAHUT ACCHHA HO
RO CHUKA YOON TO MAIN AURON KE LIYE KHOOB MAGAR APNI ULFAT MEIN RULAAO TO BAHUT ACCHHA HO
YOON NA AKHTAR KO PHIRAAO MERE MAULA DAR DAR APNI CHAUKHAT PE BITHAAO TO BAHUT ACCHHA HO DOOR AY DIL RAHEIN by Taajush SHari'ah, Shaykh Mufti Akhtar Raza QAdri Azhari
DOOR AY DIL RAHEIN MADEENE SE MOUT BEHTAR HAI AYSE JEENE SE
UNSE MERA SALAAM KEH DENA JAAKE TU AY SABAA QAREENE SE
HAR GULE GULSITAAN MUATTAR HAI JAANE GULZAAR KE PASEENE SE
YOON CHAMAKTE HAIN ZARRE TAIBAH KE JAISE BIKHRE HUAY NAGEENE SE
ZIKRE SARKAAR KARTE HAIN MOMIN KOI MAR JAA`E JAL KE KEENE SE
BAAR GAAHE KHUDA MEIN KYA POHNCHE GIR GAYAA JO NABI KE ZEENE SE
PANJAE CHASHME NAAZ SE UNKI MAIKASHON KA BHALAA HAI PEENE SE
IS TAJALLI KE SAAMNE AKHTAR GUL KO AANE LAGE PASEENE SE WOH BARHTAA SAAYA-E-REHMAT CHALAA by Taajush SHari'ah, Shaykh Mufti Akhtar Raza QAdri Azhari
WOH BARHTAA SAAYA-E-REHMAT CHALAA ZULFE MUAMBAR KA HUMEIN AB DEKHNA HAI HAUSLAH KHURSHEEDE MEHSHAR KA
JO BE PARDAH NAZAR AAJAAEY JALWAH ROO-E-ANWAR KA ZARAA SAA MUH NIKAL AAEY ABHI KHURSHEEDE MEHSHAR KA
ADABGAAHAIST ZERE AASMAAN AZ ARSH NAAZUK TAR YAHAAN AATE HAI YOON ARSHEE KE AAWAAZAA NAHIN PAR KA
HAMAARI SAMT WOH MEHRE MADEENAH MEHERBAAN AAYA ABHI KHUL JAAEGA SAB HAUSLAH KHURSHEEDE MEHSHAR KA
CHAMAK SAKTAA HAI TO CHAMKE MUQAABIL UN KI TAL'AT KE HUMEIN BHI DEKHNA HAI HAUSLAH KHURSHEEDE MEHSHAR KA
RAWAA HO SALSABEELE ISHQE SARWAR MERE SEENE MAI NA HO PHIR NAAR KA KUCHH GHAM NA DAR KHURSHEEDE MEHSHAR KA
TERA ZARRAH WOH HAI JIS NE KHILAAEY ANGINAT TAARE TERA QATRAH WOH HAI JIS SE MILA DHAARA SAMANDAR KA
BATAANA THA KE NECHAR UN KE ZERE PAA MUSAKKHAR HAI BANAA PATTHAR MAI YOON NAQSHE KAFE PAA MERE SARWAR KA
WOH ZAAHIR KE BHI HAAKIM HAI WOH BAATIN KE BHI SULTAAN HAI NIRAALA TOORE SULTAANI HAI SHAAHO KE SIKANDAR KA
YEH SUNLEIN SAAYA-E-JISME PAYAMBAR DHOONDNE WAALE BASHAR KI SHAKL MAI DEEGAR HAI WOH PEKAR PAYAMBAR KA
WOH ZILLE ZAATE REHMAAN HAI NABUWWAT KE MAHE TAABAAN NA ZIL KA ZIL KAHEEN DEKHA NA SAAYA MAAHO AKHTAR KA APNE RINDO KI ZIYAAFAT KEEJIYE by Taajush SHari'ah, Shaykh Mufti Akhtar Raza QAdri Azhari
APNE RINDO KI ZIYAAFAT KEEJIYE JAAME NAZZAARAA INAAYAT KEEJIYE
SAAQI-E-KAUSAR DUHAA'EE AAP KI SOKHTAA JAANO PE REHMAT KEEJIYE
DEEJIYE MERI MUHABBAT KO HAWAA IS TARAF CHASHME MUHABBAT KEEJIYE
QAIDE GHAM MAI KHUSH RAHOON MAI UMR BHAR YOON GIRAFTAARE MUHABBAT KEEJIYE
KHUD KO BHOOLOON AAP KI ULFAT MAI MAI MUJH KO YOON MAD'HOSHE ULFAT KEEJIYE
DAF'AH HO TAYBAH SE YEH NAJDEE BALAA YAA RASOOLALLAH UJLAT KEEJIYE
MAANG LEEJE KHAAKE TAYBAH MAI JAGAAH KHAAK MAI SAAMAANE ISHRAT KEEJIYE
UN PE MARNAA HAI DAWAAME ZINDAGI MAUT SE PHIR KYON NA ULFAT KEEJIYE
JAAN LENE AAEY WOH JAANE JAHAAN MAUT SE PHIR KAISE NAFRAT KEEJIYE
GHAUSE AAZAM AAP SE FARIYAAD HAI DASTAGEERI MERE HAZRAT KEEJIYE
REHLATE AKHTAR KA HANGAAM AA GAYAA SAAYA-E-REHMAT MAI RUKHSAT KEEJIYE HAR NAZAR KAANP UTTHEGI by Taajush SHari'ah, Shaykh Mufti Akhtar Raza QAdri Azhari
HAR NAZAR KAANP UTTHEGI MEHSHAR KE DIN KHAUF SE HAR KALEJA DEHEL JAAEGA PAR YEH NAAZ UN KE BANDE KA DEKHENGE SAB THAAM KAR UN KA DAAMAN MACHAL JAAEGA
MAUJ KATRAA KE HUM SE CHALEE JAAEGI RUKH MUKHAALIF HAWAA KA BADAL JAAEGA JAB ISHAARA KARENGE WOH NAAME KHUDA APNA BERAA BHAWAR SE NIKAL JAAEGA
YOON TO JEETA HOON HUKME KHUDA SE MAGAR MERE DIL KI HAI UN KO YAQEENAN KHABAR HAASILE ZINDAGI HOGA WOH DIN MERA UN KE QADMON PE JAB DUM NIKAL JAAEGA
RABBE SALLIM WOH FARMAANE WAALE MILE KYON SATAATE HAI AI DIL TUJHE WASWASE PUL SE GUZRENGE HUM WAJD KARTE HUWE KAUN KEHTA HAI PAAOO PHISAL JAAEGA
AKHTARE KHASTAA KYON ITNA BECHAIN HAI TERA AAQA SHEHENSHAAHE KAUNAIN HAI LAW LAGAA TO SAHEE SHAAHE LAWLAAK SE GHAM MUSARRAT KE SAANCHE MAI DHAL JAAEGA IS TARAF BHI IK NAZAR by Taajush SHari'ah, Shaykh Mufti Akhtar Raza QAdri Azhari
IS TARAF BHI IK NAZAR MEHRE DARAKHSHAANE JAMAAL HUM BHI RAKHTE HAI BOHAT MUDDAT SE ARMAANE JAMAAL
TUM NE ACCHHO PAR KIYA HAI KHOOB FAIZAAANE JAMAAL HUM BADO PAR BHI NIGAAHE LUTF SULTAANE JAMAAL
IK ISHAARE SE KIYA SHAQ MAAHE TAABA AAP NE MARHABA SAD MARHABA SALLE ALAA SHAANE JAMAAL
TERI JAABAKHSHEE KE SADQE AI MASEEHAA-E-ZAMAA SANGREZO NE PARHAA KALMAA TERA JAANE JAMAAL
KAB SE BETHE HAI LAGAAEY LAW DARE JAANA PE HUM HAAE KAB TAK DEED KO TARSE FIDAAYAANE JAMAAL
FARSH AANKHON KA BICHHAAO REH GUZAR ME AASHIQON UNKE NAQSHE PAA SE HOGE MAZHARE SHAANE JAMAAL
MARKE MITTEE MAI MILE WOH NAJDIYON BILKUL GHALAT HASB SAABIQ AB BHI HAI MARQAD MAI SULTAANE JAMAAL
GARMEE-E-MEHSHAR GUNAAHGAARO HAI BUS KUCHH DER KI ABR BAN KAR CHHAAENGE GESOO-E-SULTAANE JAMAAL
KAR KE DAAWA HUMSAREE KA KAISE MUH KE BAL GIRAA MIT GAYAA WOH JISNE KI TEWHEENE SULTAANE JAMAAL
HAASIDAANE SHAAHE DEEN KO DEEJIYE AKHTAR JAWAAB DAR HAQEEQAT MUSTAFA PYAARE HAI SULTAANE JAMAAL TUMHEIN JIS NE BHI DEKHA by Taajush SHari'ah, Shaykh Mufti Akhtar Raza QAdri Azhari
TUMHEIN JIS NE BHI DEKHA KEH UTHA AHMAD RAZA TUM HO JAMAALE HAZRATE AHMAD RAZA KA AAINA TUM HO
NAHI HAAMID RAZA HUM MAI MAGAR WAJHE SHAKEBAA'EE KHUDA RAKKHE TUMHEIN ZINDAH MERE HAAMID NUMA TUM HO
TUMHAARE NAAM MAI TUMKO BUZURGEE KI SANAD HASIL RAZA WAJHE BUZURGEE HAI RAZA-E-MUSTAFA TUM HO TUMHAARE NAAM MAI YOON HAI RAZA-O-MUSTAFA DO JUZ RAZA WAALE YAQEENAN MUSTAFA KE MUSTAFA TUM HO
HAYAATO MAUT WAABASTAA TUMHAARE DUM SE HE DONO HUMAARI ZINDAGI HO AUR DUSHMAN KI QAZA TUM HO
YEH NOOREE CHEHRA YEH NOOREE ADAAEIN SUB YEH KEHTE HAI SHABEEHE GHAUS HO NOOREE MIYAA HO AUR RAZA TUM HO
TUMHAARI RIF'ATON KI IBTIDAA BHI PAA NAHIN SAKTA KE UFTAADA ZAMEEN HOON MAI BULANDEE KA SAMAA TUM HO
RAZA JOOYAANE RAB THAAME HUWE HAI ISLIYE DAAMAN RAZA SE KAAM PARTA HAI RAZA-E-KIBRIYAA TUM HO
JANAABE MUFTI-E-AAZAM KE FAIZAANE TAJALLEE SE SHABISTAANE RAZA MAI KHAIR SE AKHTAR RAZA TUM HO
WAJ-HE-NISHAATE ZINDAGI by Taajush SHari'ah, Shaykh Mufti Akhtar Raza QAdri Azhari
WAJ-HE-NISHAATE ZINDAGI RAAHATE JAAN TUM HI TO HO ROOHE RAWAANE ZINDAGI JAANE JAHAAN TUM HI TO HO
TUM JO NA THE KUCHH TO NA THA TUM JO NA HO TO KUCHH NA HO JAANE JAHAAN TUM HI TO HO JAANE JINAAN TUM HI TO HO
TAAJE WAQAARE KHAAKIYAAN NAAZISHE ARSHO ARSHIYAAN FAKHRE ZAMEENO AASMAAN FAKHRE ZAMAAN TUM HI TO HO
KIS SE KAROON BAYAANE GHAM KAUN SUNEY FUGHAANE GHAM PAAOON KAHAAN AMAANE GHAM AMNO AMAAN TUM HI TO HO
ROOHO RAWAANE ZINDAGI TAABO TAWAANE ZINDAGI AMNO AMAANE ZINDAGI SHAAHE SHAHAAN TUM HI TO HO
TUM HO CHARAAGHE ZINDAGI TUM HO JAHAAN KI ROSHNEE MEHER-O-MAH-O-NUJOOM MAI JALWAH KUNAAN TUM HI TO HO
TUM HO QAWAAME ZINDAGI TUM SE HAI ZINDAGI BANEE TUM SE KAHEY HAI ZINDAGI ROOHE RAWAAN TUM HI TO HO
TUM HO NAMOODE AWWALEEN SHAM-E-ABAD BHI HO TUM HI SHAAHE ZAMAN YAHAAN WAHAAN SIKKAH NISHAAN TUM HI TO HO
AKHTAR KI HAI MAJAAL KYA MEHSHAR MAI SAB HI DAM BAKHUD SAB KI NAZAR TUM HI PE HAI SAB KI ZUBAAN TUM HI TO HO HAMAARE BAAGHE ARMAAN MAI by Taajush SHari'ah, Shaykh Mufti Akhtar Raza QAdri Azhari
HAMAARE BAAGHE ARMAAN MAI BAHAARE BE KHIZAAN AAYE KABHI JO IS TARAF KHANDAH WOH JAANE GULSITAAN AAYE
WOH JAANE YOOSUF AA JAAYE AGAR MERE TASAWWUR MAI KHUDA RAKKHE WOHI KHINCH KAR BAHAARE DO JAHAAN AAYE
KOI DEKHE MERI AANKHON SE YAH AIZAAZ AAQA KA SALAAMI KO DAR-E-HAZRAT PE SHAAHE QUDSIYAAN AAYE
JAMAALE ROO-E-JAANAAN DEKH LOON KUCHH AISA SAAMAAN HO KABHI TO BAZME DIL MAI YAA KHUDA AARAAME JAAN AAYE
ILAAHI APNI SATTAARI KA TUJH KO WAASTAH SUN LEY SARE MEHSHAR NA BANDE KA GUNAAH KOI AYAAN AAYE
KARAM SE IS KAMEENE KI BHI MAULAA LAAJ RAKH LENA TERA AKHTAR TERE SAAYE MAI SHAAHE DO JAHAAN AAYE SHUJAA`AT NAAZ KARTI HAI by Taajush SHari'ah, Shaykh Mufti Akhtar Raza QAdri Azhari
SHUJAA`AT NAAZ KARTI HAI JALAALAT NAAZ KARTI HAI WOH SULTAANE ZAMAN HAIN UN PE SHOUKAT NAAZ KARTI HAI
SHAHE KHOOBAAN PE HAR KHOOBI-O-KHASLAT NAAZ KARTI HAI KAREEM AISE HAIN WOH UN PAR KARAAMAT NAAZ KARTI HAI
JAHAANE HUSN MEIN KUCHH YOON NIRAALI SHAAN HAI UNKI NABI KE GUL PE GULZAARON KI ZEENAT NAAZ KARTI HAI
SHAHENSHAAHE SHAHEEDAAN HO ANOKHI SHAAN WAALE HO HUSAIN IBNE ALI TUM PAR SHAHAADAT NAAZ KARTI HAI
BITHA KAR SHAANA-E-AQDAS PE KARDI SHAAN DO BAALA NABI KE LAADLON PAR HAR FAZEELAT NAAZ KARTI HAI
FIDAAEE HOON TO KISKA HOON KOI DAYKHE MERI QISMAT QADAM PE JIS HASEEN KI JAANE TAL`AT NAAZ KARTI HAI
KHUDA KE FAZL SE AKHTAR MAIN UNKA NAAM LEWA HOON MAIN HOON QISMAT PE NAAZAN MUJH PE QISMAT NAAZ KARTI HAI
BAAGHE TASLEEM-O-RAZA MEIN GUL KHILAATE HAIN HUSAIN YAANI HANGAAME MUSEEBAT MUSKURAATE HAIN HUSAIN
BARQE AALAM SAUZ KA AALAM DIKHAATE HAIN HUSAIN MUSKURA KAR QIL`AA BAATIL KA GIRAATE HAIN HUSAIN
MARZIYE MAULA KI KHAATIR HAR SITAM KO SEH LIYA KIS KHUSHI SE BAARE GHAM DIL PAR UTHAATE HAIN HUSAIN MUFTI-E-AAZAME DEENE KHAIRUL WARAA by Taajush SHari'ah, Shaykh Mufti Akhtar Raza QAdri Azhari
MUFTI-E-AAZAME DEENE KHAIRUL WARAA JALWA-E-SHAANE IRFAANE AHMAD RAZA
DEEDE AHMAD RAZA HAY TUMHEIN DAYKHNA ZAATE AHMAD RAZA KA HO TUM AAINAH
NOOR KI MAI PILAATE HAIN YEH ROZO SHAB JIS KO PEENA HO AA`E YEH MAIKHAANA WAA
AHMADE NOORI KE HAIN YEH MAZHAR TAMAAM YEH HAIN NOORI MIYAAN NOORI HAR HAR ADAA
HAIN BAHUT ILM WAALE BHI AUR PEER BHI AANKHON DEKHA NA UNSA NA KAANON SUNA
UNKA SAAYAH SARON PAR SALAAMAT RAHE MUH SARAATE RAHE YOON HI DUSHMAN SADAA
WOH JALEINGE HAMESHA JO TUJH SE JALEIN MAR KE BHI DIL JALON KO NAH CHAIN AA`E GA
AASHIQON KE JIGAR UNSE THANDE RAHEIN DUSHMANON PAR RAHEIN BAN KE SHAKLE QAZAA
AUR HONGE JINHEIN TUJH SE LAALACH HO KUCHH TERE AKHTAR KO KAAFI HAI TERI RAZA MAR KE JEENE KA by Taajush SHari'ah, Shaykh Mufti Akhtar Raza QAdri Azhari
MARKE JINE KA PAOON MAZAA KHER SE RAAHE TAIBAH MEIN AAYE KAZAA KHER SE
MUJH KO UN KA ISHAARA MILA KHER SE MEIN MADEENE KI JAANIB CHALA KHER SE
KIJIYE MERE HAQ MEIN DUA KHER SE KHAAKE TAIBAH MEIN HO MERI JAAN KHER SE
KHOOB GUZRENGE SUB HO MASA KHER SE UNKE DAR PAR JO BISTAR JAMAA KHER SE
UNKE DAR PAR JAMAA BISTARAA KHER SE CHEIN SE HUM RAHENGE SADAA KHER SE
YEH UTHI MOJE BEHERE ATAA KHER SE YAA WOH BATT TE KARAM US DAWAAN KHER SE
AAM HAIN UNKA FAIZE SAKHA KHER SE UNKE DAR PAR HE SHAAHO GADA KHER SE
IBTIDA KHERSE INTIHA KHER SE KAAM APNA YAHAN HO GAYA KHER SE
SHAAM SE HUM KO TAIBAH MEIN NEEND AA GAYI ZINDAGI KA SAWERA HUWA KHER SE
KHAAKE TAIBAH KO PAAKAR HU MEIN SHAADMA MERA AKHTAR DARAKHSHA HUWA KHER SE MERE ALLAH KE NIGAAR (SALAAM) by Taajush SHari'ah, Shaykh Mufti Akhtar Raza QAdri Azhari
MERE ALLAH KE NIGAAR SALAAM DASTE QUDRAT KE SHAAHKAAR SALAAM
DONO AALAM KE TAAJDAAR SALAAM JAANE HAR JAANO JAANDAAR SALAAM
KHAAKE TAIBAH BANE MERI HASTI ARZ KARTA HAI KHAAKSAAR SALAAM
PHIR MADINE MEIN KAB BULAAO GE TUM SE KEHTA HAI INTIZAAR SALAAM
MUJH KO ZAALIM PE IKHTIYAAR NAHEEN TUM TO RAKHTE HO IKHTIYAAR SALAAM
KHULD KEHTI HAI YEH MADEENE SE TUJH PE AY KHULD KI BAHAAR SALAAM
APNI ULFAT KAA AISA JAAM PILA JISKA BARHTA RAHE KHUMAAR SALAAM
DARDE ULFAT MEIN DE MAZAA AISA DIL NA PAA`E KABHI QARAAR SALAAM
TERI KHAATIR ZALEEL HONA HAI MERI IZZAT MERE WAQAAR SALAAM
APNE AKHTAR KA LO SALAAM SHAHAA TUM PE AY JAAN AY QARAAR SALAAM MUSTAFA-E-ZAATE YAKTAA AAP HAIN by Taajush SHari'ah, Shaykh Mufti Akhtar Raza QAdri Azhari
MUSTAFA-E-ZAATE YAKTAA AAP HAIN YAK NE JISKO YAK BANAAYA AAP HAIN
EIK NE SHIRKAT NA RAKKHI EIK MEIN EIK KI EEJAADE YAKTAA AAP HAIN
AAP JAISA KOEE HO SAKTA NAHEEN APNI HAR KHOOBI MEIN TANHAA AAP HAIN
AAB-O-GIL MEIN NOOR KI PEHLI KIRAN JAANE AADAM JAANE HAWWAA AAP HAIN
AAP KI ROOYAT HAI DEEDAARE KHUDA JALWAH GAAHE HAQ TA`AALA AAP HAIN
AY GULE ZAIBAA-E-GULZAARE KHALEEL JISNE HAR GULSHAN SAJAAYA AAP HAIN
AAP KI TAL`AT KO DAYKHA JAAN DI QABR MEIN POHNCHA TO DAYKHA AAP HAIN
APNE DAR TAK AAP MUJH KO KHEENCH LEIN NAATAWAAN HOON MAIN TAWAANA AAP HAIN
AAP KI TAL`AT KHUDA KA AAINA JIS MAI CHAMKE HAQ KA JALWAH AAP HAI
AAP KI KHAATIR BANAAEY DO JAHAAN APNI KHAATIR KYA BANAAYA AAP HAI
AAP SE KHUD AAP KA SAAIL HOON MAI JAANE JAAN MERI TAMANNA AAP HAI
AAP SE PHELI JAHAAN MAI ROSHNEE HAR CHARAAGHE AALAM AARAA AAP HAI
HUSNE AWWAL KI NAMOODE AWWALEEN BAZME AAKHIR KA UJAALA AAP HAI
KYON KAHOON BEKAS HOON MAI BEBAS HOON MAI MERE YAAWAR MERE MAULA AAP HAI
JAAN TUEE JAANA QARAARE JAAN TUEE JAANE JAAN JAANE MASEEHA AAP HAI
BARDARAT AAMAD GADAA BEHRE SALAAM HO BHALA AKHTAR KA DAATA AAP HAIN WOH CHHAAEE GHATAA by Taajush SHari'ah, Shaykh Mufti Akhtar Raza QAdri Azhari
WOH CHHAAEE GHATAA BAADAH BAARE MADEENAH PI`EY JHOOM KAR JAAN NISAARE MADEENAH
WOH CHAMKA WOH CHAMKA MEENAARE MADEENAH QAREEB AA RHAA HAI DAYAARE MADEENAH
NAHAA LEIN GUNAAHGAAR ABRE KARAM MEIN UTHA DEKHI`E WOH GHUBAARE MADEENAH
KHUDA YAAD FARMA-E-SAUGAND-E-TAYBAH ZAHE AZMATO IFTIKHAARE MADEENAH
NAHEEN JACHTI JANNAT BHI NAZRON MEIN UN KE JINHEIN BHAA GAYA KHAAR ZAAR-E-MADEENAH
MERI JAAN SE BHI WOH NAZDEEK TAR HAIN WOH MAULA-E-HAR BEQARAAR-E-MADEENAH
KAROON FIKR KYA MEIN GHAME ZINDAGI KE MAIN HUN BANDA-E-GHAM GUSAARE MADEENAH
CHALA KAUN KHUSHBOO LUTAATA KE AB TAK HAI MAHKI HUEE RAHGUZAAR-E-MADEENAH
BULA AKHTAR-E-KHASTA KO APNE DAR PAR MAIN SADQE TERE SHEHER YAARE MADEENAH FARISHTE JIS KE ZAA`IR HEIN by Taajush SHari'ah, Shaykh Mufti Akhtar Raza QAdri Azhari
FARISHTE JIS KE ZAA`IR HEIN MADEENE MEIN WOH TURBAT HAI YEH WOH TURBAT HAI JIS KO ARSHE AAZAM PAR FAZEELAT HAI
BHALAA DASHTE MADEENAH SE CHAMAN KO KOI NISBAT HAI MADEENE KI FAZAA RASHKE BAHAARE BAAGHE JANNAT HAI
MADEENAH AISA GULSHAN HAI JO HAR GULSHAN KI ZEENAT HAI BAHAARE BAAGHE JANNAT BHI MADEENE KI BADOLAT HAI
MADEENAH GAR SALAAMAT HAI TO PHIR SAB KUCHH SALAAMAT HAI KHUDA RAKKHE MADEENE KO USI KA DAM GHANEEMAT HAI
JO MUSTAGHNEE HUWA UN SE MUQADDAR US KA KHAIBAT HAI KHALEELULLAH KO HANGAAME MEHSHAR UN KI HAAJAT HAI
HUM HI KYA HAQ TA`AALA KO MADEENE SE MOHABBAT HAI MADEENE KI MOHABBAT UNSE ULFAT KI ALAAMAT HAI
MADEENAH CHHOR KAR JANNAT KI KHUSHBOO MIL NAHIN SAKTI MADEENE SE MOHABBAT HAI TO JANNAT KI ZAMAANAT HAI
YAHAAN BHI UN KI CHALTI HAI WAHAAN BHI UN KI CHALTI HAI MADEENAH RAAJDHAANI HAI DO AALAM PAR HUKOOMAT HAI
ZAMEEN PAR WOH MUHAMMAD HAIN WOH AHMAD AASMAANON MEIN YAHAAN BHI UN KA CHARCHAH HAI WAHAAN BHI UN KI MID`HAT HAI
DIKHAADE YAA ILAAHI WOH MADEENAH KAISI BASTI HAI BARASTA HAR GHARI YAA RAB JAHAAN BAARAANE RAHMAT HAI
GADAAGAR HAI JO IS DAR KA WOHI SULTAANE QISMAT HAI GADAA`EE IS DARE WAALA KI RASHKE BAADSHAAHAT HAI
MADEENAH CHHOR KAR SAIRE JINAAN KI KYA ZAROORAT HAI WOH JANNAT SE BHI KHUSHTAR HAI WOH JEETE JEE KI JANNAT HAI
GHAZAB HI KAR DIYAA AKHTAR MADEENE SE CHALE AA`EY YEH WOH JANNAT HAI JIS KI ARSH WAALON KO BHI HASRAT HAI
MADEENAH CHHOR KAR AKHTAR BHALAA KYON JAA`EY JANNAT KO YEH JANNAT KYA HAR IK NEMAT MADEENE KI BADOLAT HAI |
